HIGH SCHOOL GRADUATE NA SI GILLIAN-by Tito Dan

 

Gillian and Tita Beth)

Yes, finally nagtapos na rin ng High School si Gillian. That was Saturday, March 29, 2008. It is the same day na tinawag din ang Tita Beth for a job interview in Canlubang. Gillian was a little bit worried when we left at 4:00 A.M. for the job interview. Luckily Tita Beth's interview lasted only for a few minutes so we were able to go home earlier. Gillian was already preparing herself, the commencement exercises would start at 2:00 P.M. Kaya 12:30 pa lang ay nasa commencement venue na kami.

Mabuti na lang napaaga ang punta namin at nakakuha kaagad ng parking area. Sa loob ng isang napakalaking teatro (theatre) doon ginanap ang programang pagtatapos ng mga magtatapos ng elementary at high school. Lahat ay nakatoga ng puti. Mga magtatapos ay binigyan ng ribbon gayon din ang mga magulan. Si Tita Beth ang sinabitan nila ng ribbon. Isa lang kasi sa mga magulang ng mga magtatapos ang mabibigyan lang ng ribbon.

Sa loob ng teatro, pansamantalang pinatuloy muna ang magulang at magtatapos sa may balcony. Sa isang hilira ng gawing kaliwa (kaharap ang telon) pinaupo ang mga magtatapos, sa ginang hilira at kananag hilira ng mga upuan naman pinaupo ang mga magulang. Magkakatabi kami nina Py at Rose sa hilara ng mga upuan na kinuha namin.

Binuklat naming kaagad ang program at binasa ang mga pangalan ng mga magtatapos. Sa listahan ng mga awards at awardees ay nakita namin na may limang extra curricular awards ang iginawad namin. Namangha rin kami ni Tita Beth sa damin ng awards na iginawad sa kanilang class valedictorian. Pinakyaw na niya lahat ang sabi namin ni Tita Beth.

Maya maya lang ay isa isa nang ipinakikilala ang mga magtatapos. Sa itaas ng entablado kami sinalubong ni Gillian sa pagpapakilala sa kanya. May dala siyang rosas na inalay sa mga magulang. Si Tita Beth ang tumanggap nito, kasama ang mga guest speaker at presidente ng paaralan ay kinunan kami ng larawa ng official photographer. Panay din ang pakikipagkamay sa amin ng kanilang prinsipal at guidance counselor. Bulong pa nga ni teacher Bryan, malaking kawalan daw si Gillian sa paaralan dahil sa pagiging aktibo nito sa lahat ng mga programa ng paaralan. Hanggang tainga naman ang ngiti ni Tita Beth sa nadaramang ligaya. Nagbunga rin ang mga paghihirap ng mga magulang.

Pagbalik namin sa upuan ay muli naming tinignan ang programa, at ganon na lang ang pagkabigla ni Tita Beth ng mapansin niya ang pangalan ni Gillian a siyang tumanggap ng isang prestigious award from the President of the Philippines--Gloria Macapagal Arroyo Presidential Award of Exellence on Culture and Arts. Lima lang ang nabigyan nito sa ibat-ibang categories. Tanging si gillian lang ang non-valedictorian graduate na nabigyan nito. Halos maluha ako, nagbunga na ang lahat ng mga sakripisyo at talento in Gillian. Painting, drawing, stage performance, multimedia, writing, modeling, dancing, etc. dito ibinuhos ang galing at talento ni Gillian. Ngayon lang nabigyan ito ng pansin. After all those years na pagsusumikap niya, ngayon lang siya nabigyan ng ganyang award.

Kaya nang tawagin na si Gillian upang tanggapin ang kanyang awards, tuwang tuwa si Tita Beth sa pagsasabit ng mga ribbons at medalya ni Gillian. Pati balikat nito ay sinabitan na rin ng mga ribbons. Sa akin naman inabot ng guest speaker ang bronze at gold medals ni Gillian upang isabit sa kanya. Pero inabot ko na rin ito kay Tita Beth para siya na ang magsabit. Sa isip ko, mula sa pagbubuntis at pagpapalaki kay Gillian siya na ang naghirap, karangalan para sa kanya ang magsabit ng mga parangal na iginawad sa aming anak. Halos maluha-luha rin ako sa tuwa. Si Tita Beth din uli ang nag-abot kay Gillian ng Presidential Citation para sa kanyang Award of Excellence on Culture and Arts. May isa pang ribbon ang hindi naisasabit, wala akong mapaglalagyan, sinabit ko na lang sa balikat ni Gillian. Kaliwat-kanan naman ang nakipagkamay sa amin sa mga karangalang tinamo ni Gillian.

Sa tutoo lang, vendication ito para kay Tita Beth. Nang magtapos si Gillian ng elementary, ni isang award ay wala siyang tinanggap. Kahit nagkamit siya ng ibat-ibang medalya sa larangan ng sports ay di ito napansin ng magtapos si Gillian sa elementary. Nasa probinsiya ako noon at kasalukuyang ginagawa ang isang research na pinapagawa sa amin ng World Bank. Ngayon kapwa kaming umakayat ng entablado ni Tita Beth upang samahan ang aming anak sa pagtanggap ng parangal na iginawad sa kanya.

Ang Blowout ni Gillian.

(Dinner at the House of Mimi)

Dahil natuwa ang kanyang ninang, si ate Lily, nagpropose ito ng isang salo-alo. Gabi ito ng Linggo (8:00 P.M.); kumain kami sa House of Mimi ng Ugong Pasig City bilang pagdiriwang sa pagtatapos at mga parangal na tinanggap ni Gillian. May mga regalong ibinigay pa sa kanya ng ate Lily. Kaagad namanb binuksan ito ni Gillian. Sa isang maliit na function room kami namalagi at kumain ng steak at ibat-ibang pagkain.

Kasama ng kanilang pinsang si Perry at ang kabiyak nitong si Gell, nagkuhanan ng mga pitures at mga magpipinsan kasama na rin ang ate Lily. Nagkaroon din kami ng grupo nina Py ang kanyag mama, at ate Gillian. Si Tita Beth nagpose pa sa isang singnage na may nakasulat na Betty. Mapalad din kami at nagkataon naman na may tumutugtog noon ng organ para mag-entertain sa mga guests.

Gabi na maghiwahiwalay kami. May pasok pa ng kinaumgahan ang Tita Beth kaya napagpasyahang maghiwahiwalay na pagkatapos ng isang masayang kainan.

Happy Birthday Gillian

(Mga kaklase at naging bisita ni Gillian sa kanyang birthday party)

Kahapon (March 25, 2008) ay birthday ni Gillian. Ito ang 16th birthday anniversary niya. Dahil magtatapos na rin siya ng High School kaya nagpasya siyang pagsamahin na lang ang kanyang birthday party at graduation blowout. Natupad nga kahapon kung saang sankatirbang mga kakalse ang dumalo. Maiingay sila at talagang enjoy sa pagkukuwentohan. Marami-rami rin ang ihinandamg pagkain at inumin ngunit sa dami ng kanyang mga bisita ay halos maubos lahat.

Earlier unang dumating ang kanyang mga teachers, dahil nagmamadali ang mga ito upang umattend sa kanilang meeting kaya nauna na silang kumain. Sinaluhan sila nina Tita Beth at Tito Dan. Si Tito Dan ay nagbukas naman ng grape wine para sa kanila. Saglit lang silang nasa bahay pero masaya ang naging kuwentohan nila. Tanging si teacher Irma lang ang nagpaiwan at hinintay ang mga iba pang kaklase ni Gillian na dumating.

Si teacher Irma din ay nagdiriwang din ng kanyang birthday sa araw na iyon kaya nakisaya na lang siya kina Gillian. May cake na ihinanda Gillian at sabay pa sila ni teacher Irma sa pag-ihip ng sinindihang kandila. Nakipagbiruan din si teacher Irma sa kanyang mga estudyante. Sabi niya naiiba talaga ang grupo nina Gillian. Speaking of Gillian nabanggit di ng mga teachers na may leadership quality si Gillian, hindi sa nagdadalawang isip kapag may ipinapagawa ng mga teachers sa kanya. Laking pasalamat din ni teacher Irma kina Tita Beth at Tito Dan na may nakilala siyang katulad nila na mapagbigay at matulungin. Likewise, ang tugon naman ni Tita Beth sa kanya.

Gabi na nang magsiuwian ang mga bisita ni Gillian. Kung hindi nga lang may pasok pa sila kinaumagahan, baka umagahin sila sa pagsasaya. May mga pumasok sa computer room upang maglaro, may nanood lang ng TV, at may mga nasa labas ng bahay na nagkukuwentohan lang kasama na doon si Gillian.

May huling bisita ring humabol sa birthday ni Gillian, si Makata Boy. Una nakipagchat siya kay Py sa pagaakalang si Gillian ang kausap. Tanong siya kung invited si pogi. Pilya naman itong si Py na kumunsolta pa sa ate Gillian niya ng isasagot; at ang tugon ay "next year na lang." Pero laking gulat ni Gillian na natutulog na noon nang dumating si Makata. May pagkaasar nga lang si Gillian na bumangon upang harapin ang huling bisita. Habang pinakakain ito, sinabihan siya ni Gillian na may pasok pa ito kinabukasan. Kaya maaga ring nagpaalam ang bisita. Si Tita Beth na nga lang ang humarap dahil tulog na si Tito Dan. Mabuti kay Tita Beth nagkulong at nakatulog siya sa airconditioned room ng bahay habang nagiingay at nagkakasiyahan sina Gillian. Pagod din si Rosie sa kagagalaw kasama si Tito Dan upang pagsilbihan ang mga bisita.

Kaya sa huli nakatulog din ang Tito.

Maaga kasing lumuwas sina Tita Beth at  Tito Dan kasama si Py patungong Canlubang. Tinawag kasi si Tita Beth ng SunPower corporation para sa isang job interview. Kung makakalusot dito si Tita Beth ipapadala siya sa America for training at maipopost for managerial job sa ano mang bansa sa daigdig. Kung sa Pilipinas naman mabibigyan siya ng car service with driver. Kaya gayun na lang kasigasig si Tita Beth. Sa Canlubang na rin sila nananghalian at sa paguwi nagpunta muna sila sa Ever Emporium ng Pasig para kumain ng pansit malabon. Iyon nga lamang at na-heat stroke si Py. Mabuti na lang at walang katao-tao sa isang fast food at dito nagpahinga si Py at uminom ng malamig na tubig. Umorder din ang Tito ng veggie pizza pie at ito ang pinagsaluhan nila. May cold drinks pang ipinaimon kay Py kaya madaling na-regain nito ang kanyang lakas. Panay din ang kain ni Tita Beth at Tito Dan ng watermelon at pineapple chunks na nabili nila sa labas ng Ever. 

Sa paghahanda ng birthday celebration ni Gillian laking tulong din ang kaibigan niyang si Melissa. Tahimik lang ito ngunit matulongin. Kaya pagod na pagod sila ni Gillian pagkatapos maglinis ng bahay at maghanda ng pagkain. Nakaraos din sa birthday niya si Gillian kahit papano, ngunit pakiusap ni Tito Dan, next huwag namang ganito kadami ang bisita at maliit ang bahay sa malaking grupo.

Family Swimming noong Sabado Gloria

(Ang Cathedral ng Vigan City, kuha ni Gillian noon nag-field trip sila doon)

Kinaumagahan ng Sabado ay nagpunta ang pamilya sa Hacienda Luisita ng Antipolo City upang magswimming. Noong Huwebes Santo nagsurvey sina Tito Dan at Tita Beth sa mga resorts na kanilang mapupuntahan. Pagkatapos magusap-usap ang mga mag-aanak ay napagpasyahan ang Hacienda Luisita. May kalumaan na ang lugar ngunit maganda dahil sa mga halaman at maraming punong kahoy. May dalawang swimming pool kung saan ay napakalamig ang tubig. Nagpareserve na rin ng isang kubo na magagamit.

Talagang inihanda ni Tita Beth itong outing na ito para sa dispedida ni Chiquit. Pauwi na kasi sa Linggo ng gabi si Chiquit papunta ng kanyang pinapasukan sa Singapore. Isa siyang manunulat at editor ng isang magazine doon. Silang mag-aanak  ang pangunahing bisita. Kaya pusposan ang paghahanda ng mga baon sina Tita Beth para sa araw ng outing.

Sabado ng umaga ay umalis nanang bahay ang mga magaanak papuntang resort. Pero dumaan muna sila sa Shopwise upang bumili ng tubig at iba pang maiinom. Overloaded ang kotse kaya nababahala si Tito Dan baka hindi ito makaakyat kapag aalis na sa resort. May kalaliman kasi ang kinaruroonan nito. Ayos lang ang papunta roon, ang paahong pabalik lang ang problema. Kaya kinargahan ang kotse ng high octane fuel. 

Dahil medyo late na ng dumating sina Tita Beth, laking gulat na lang nang dumating sila sa resort dahil napakarami nang tao at ang inireserba nilang nipa hut ay nakuha ng iba. Mabuti na lang at bakante ang pavillion kaya dito pinatuloy sina Tita Beth at presyong nipa hut lang ang singil. Sa tutuosin dalawang libong piso ang bayad nito ngunit naibigay ang lugar sa murang bayad lamang. Sabi nga ni Tito Dan blessing in disguise dahil hindi lang mura at maganda ang ipinalit, ang inireserbang kubo ay pangit at malapit pa sa maingay na video-karaoke. May malalaking  kasilyas at banyo ang pavillion.

Naghanda kaagad si Rosie ng pagiihawan para sa dala naming marinated chiken at pork. Pananghalian na nang dumating sina ate Lily at Chiquit. Agad silang sinalubong nina Tita Beth par tulungan na magbaba ng kanilang mga gamit at baon. Laking panghinayang din ni Lolito at wala sina Perry at Gel. Wala siyang kainuman kaya si Tito Dan ang kanyang nakainuman. Serbesa negra naman ang  brand ng Tito Dan dahil wala itong alcohol.

Pinagsaluan ng mga magaanak ang inihaw na manok at baboy, relyenong bangus na dala pa nina ate Lily, at saka pansit. May relyenong bangus din na ginawa ni Rose pero hindi na ito nakain pa, inuwi na lang nina Chiquit. Sina Gillian at Py ay panay naman ang bidahan nila nina Chiquit. Ito na ang huling araw niya sa Pilipinas kaya nagbonding na ng husto ang mga magpipinsan.

Later nagswimming din sina Tito Dan, Tita Beth, Gillian at Py. Naasiwa si Lolito sa dami ng mga nagsiswimming sa pool kaya hindi na itong nagbalak pang maligo. Nakining na lang siya sa mga kumakanta sa video-karaoke habang umiinom ng beer. Dahil gininaw ng husto si Tita Beth at nakitang madumi ang pool kaya umahon na siya. Umahon na rin si Tito Dan at nagshower. Mayamaya nagpaalam na ang mga ate.

Nanatili ng mga ilang oras din ang  sina Tita Beth sa resort, nagkakuwentohan at kumain pa ng natitira nilang baon. Pagkatapos ay nagshower na sila ni Py at nagpalit ng damit. Sumunod na nagshower din si Gillian at nagpalit ng damit sa pavillion. Kausap naman noon ni Lolito si Dyi, akala namin darating pa siya ngunit nagpasya na lang itong pupunta ng bahay. Nang mailagay na lahat ng mga gamit sa kotse, sinubukan ni Lolito na iyakyat nito at kaya naman; kaya hindi na naglakad sina Tito Dan paahon sa resort papuntang labasan sa highway. Bagamat punong-puno sila sa loob hindi nangyari ang kanilang kinatatakutan.

Pauwi ng bahay, dumaan muli sina Tita Beth sa Shopwise at namili ng groceries paghahanda naman sa birthday ni Gillian. Nakadalawang libo din. Kaya broke na broke ang Tita sa bakasyon na ito. Sa Shopwise na sila inabutan ni Dyi sakay ng kanyang mini-truck. Kaya ng umalis sila sa Shopwise ay sumama na sa truck ni Dyi si Lolito para magkasya at komportable naman sina Tita Beth sa pagsakay ng kotseng pabalik.

Ang Easter Sunday ni Tita Beth

Dahil sa kapaguran nakatulog ng husto si Tita Beth. Tanghali na nang siya ay magising. Nanlalata pa rin. Binati na lang niya si Chiquit ng happy trip dahil hindi nito mapapaunlakan pa ang pamangkin na makipagkita pa sa kanya sa Union Church. Kasa si Tito Dan at mga bata, nanood na lang sila ng sine sa video. Magaganda naman ang mga pelikulang pinanood, may religious significance at social relevance. Ngayon araw ng Lunes papasok na ng trabaho si Tita Beth.  

Family Merienda with Chiquit

Kagagaling lang ni Chiquit sa Singapore kaya gusto niyang makita sina Gillian at Py. Sabado ng hapon ang usapan pagkatapos manood ng concert sa GCF Ortigas. Maganda iyong concert, ang tema ay ang pagkapako sa krus ng Panginoong Hesus. Masaya ako at inawit doon ang mga paborito kung hymns.

Nang matapos ang concert, agad kaming tumayo sa upuan at nakabuntot na rin sa mga paalis. Dito nakita namin sina Chiquit at ate Lily kasama ang isang lady missionary. Dahil malapit sa Podiom ang aming pinagparadahan, nilakad na nga lang namin papunta sa isang kainan (Lasa).
Dahil maaga pa para kumain ng hapunan, pansit canton at mga kakanin lang ang inorder. Nagtagal kami ng kaunti. At habang niluluto ang inorder namin, nagkuwentohan.

Dumating ang inorder at kaagad na kinain. Masarap sa una ngunit naging maalat sa huli ang kinain naming canton. Nakikain din si Tita Beth ng laman ng buko na inorder ni ate Lily. Paksa sa kuwentohan ang tungkol sa mga trabaho, tahanan, at (dahil may missionary kaming kasama) napag-usapan din ang tungkol sa balak nilang pagtatatag ng mga pulong para sa Bible study.

Pagkatapos namin sa kainan na iyon, nagkahiwahiwalang kami pansamantal nina Chiquit at tumuloy kami sa Mega Mall. Dito bumili sina Gillian ng tela at iba pang kagamitan para sa kanyang high school graduation. Mahaba-haba rin ang lakaran kaya nakapagkape rin sa isang "donatan." Iyan lang at umalis na kami ng SM.

Haban papauwi na kami, dumaan muna kami kina ate Liliy upang kunin ang mga pasalubong ni Chiquit. Dahil handa na ang kainan, pinakain tuloy kami. Adobo ang ulam. Gusto kasi ngayon ni Chiquit ang kumain ng kumain ng Filipino food. Pagkatapos ng kainan may mga katatawanang eksena sa You Tube na aming pinanood. Malakas ng tawa namin noong napanood ang pagkanta ng isang Bulgarian ng "Kenly" (it should be I can't leave without you). Inaantok na ang ate Lily kaya nagpaalam na kami ng mga bata.

KUWENTONG BUHAY-- by Remy Berdagol

Tumawag si telepono si Makata upang yayain si Simpatika na maging ka-date niya sa kanilang JS Prom. Hindi kaagad makapagsabi ng "oo" si Simpatika dahil sa itatanong pa niya sa kanyang Nanay kung papayagan siya. Kung sakali ito pa lang ang kauna-unahang pakikipagdate ni Simpatika na wala siyang alalay. Nadinig ng Tatay ang pag-uusap kaya nabuo kaagad sa isipan nito na hindi siya papayag.

Noon pa man ay nagpasya nang babantayan ng husto ang kanyang dalaga sa mga magkakainterest ditong ligawan siya. Biro nga niya, "hahabulin ko sila ng taga." Nasa makalumang kaugalian pa rin ang tatay ni Simpatika kung tungkol sa ugnayang lalaki at babae ang pag-uusapan. Lalo nga at wala pa rin sa hustong edad itong si Simpatika, normal lang na maging mahigpit at mapagmanman ito sa mga kaibigang sinasamahan ng mga anak.

Sa nanay naman ni Simpatika, mas magaan ito sa pagbibigay laya sa mga anak kung tungkol sa lakaran ang pag-uusapan. Iyon nga lang pareho silang mag-asawa sa kanilang mga alituntunin, wala munang ligawan hanggat hindi nakakatapos sa pag-aaral. Kaya naman sa paghingi ng kapahintulotan para maglakwatsa, kay nanany humihingi ng kapahintulotan si Simpatika. Kaya sa kanya siya humingi ng pahintulot, na siya namang tinutulan ng kanyang tatay.

Ika nga, sarado ang pintuan para payagang sumama si Simpatika kay Makata bilang partner niya sa kanilang JS Prom. Para sa tatay ni Simpatika, wala sa kapakanan ng kanyang anak na payagang itong makasama ni Makata. Ngunit ang ganyan pagpapasya ay hindi pabor sa pagkakaibigan ng mga magulang nina Makata at Simpatika. Sa isang banda nababahala ding pumayag ang mga "erpats at ermats" ni Simpatika dahil sa may napansin ang mga ito na kapilyohan ng binatilyo sa huling nakasama ito ng dalaginding. Baka ano pa ang mangyari diyan di ba? Problema. Kaya humingi kaagad ng payo ang nanay ni Simpatika sa kanyang ninang. Bilang pangalawang magulang batid ng nanay ni Simpatika na wala itong ipapayong masama dahil tanging kapakanan lang nito ang inaalala. Ang payo, "why don't you give him a chance?"
"No way," iyan naman ang tugon ng tatay.

Dahil sa malabong payagan si Simpatika nagpadala ito ng text messages sa nanay ni Simpatika nakikiusap na payagan nang pasamahin ang dalagita sa JS Prom. Matigas pa rin ang pasya ng "erpats" ni simpatika. Nagtampo tuloy ang nanay ni Makata. Nagdagsahan na ng palitan ng mga mensahe sa cellphone. Nagtataglay ang mga ito ng mga pakikiusap na sana ay baguhin naman ng tatay ni Simpatika ang kanyang pasya. Nalulungkot daw si Makata dahil siya na lang ang walag partner. Sabi naman ng "erpats" nito, "bakit pa si Simpatika ang napagdediskitahan e my girlfriend naman iyang si Makat." Natanong nga ito sa kanyang nanay at sinabi namang wala na sila. Naghiwalay na dahil sa kagustohan ng mga magulang na pag-aaral muna ang aatupagin nila.

Noong unang nagpadala ng mensahe ang nanay ni Makata sa nanay ni Simpatika, sinabi lang kung papano siya susundoin sa bahay nito at ihahatid pabalik. Tila hindi 'ata tinanong kung pumapayag ang mga magulang o hindi. Walang pag-uusap sa pagpayag. Naisip na lang na nang tumawag ang kanyang anak kay Simpatika, ayos na ang buto-buto at pinayagan na. Kung may pagpapaalam sana mula sa mga magulang noong una, napagbigyan din naman siguro kaagad. Hindi lang ito kaso ng paniniguro (na walang masamang mang-yayari kay Simpatika), ngunit kaso din ng pagbibigay ng kaunting importansiya sa mga magulang.

Lalong umigting pa ang palitan ng mensahe at paliwanagan. Tuwiran na ring sinabi ng nanay ni Makata na walang dapat ipag-alala sa kanyang "the one and only son" dahil sa nagbago na ito, kaiba na siya sa dati niyang pag-uugali, maginoo at puwedi na siyang pagkatiwalaan. Ang dahilan, isa na siyang tunay na Kristiano. Naantig naman ang kalooban ng nanay ni Simpatika kaya gusto na rin nito ang bumigay. Ang tatay naman niya ay hindi pa rin lubos na kumbinsido.
Pagbibigyan lang daw si Simpatikang makasama kung may alalay na nakakatanda nito. Sino, nga ba ang makakasama niya bilang tagabantay; ang nanay, si bunso, si tita?

Pumayag na rin sa huli ang nanay, ang tatay naman ay ayaw nang makikalam pa. Hugas kamay kaagad, wala daw siyang kinalaman sa pagpapasya at bahala na sila... Salitang ayaw ngunit wala nang magawa pa dahil buo na ang pasya ng nanay nito. Masama man ang loob ng tatay, hindi na siya tumutol pa. Ni hindi rin siya nagbibigay ng kapahintulotan.

Bago dumating ang araw ng Sabado kung saan magagananp ang pagtitipun, umupa na ng gown na itim itong si Simpatika na siya nitong isusuot. Puro pasaring naman ang tatay nito na huwag nang labahan ang gown, isuot na lang "as is." Halatang masama pa rin ang loob. Hapon ng Sabado tumawag ang nanay ni Makata upang tiyakin kung makakasama nga si Simpatika. Si Makata naman ay hiningi ang direksiyon papunta sa bahay nina Simpatika.

Ala kuwatro na nang mag-umpisang magpaganda at magbihis si Simpatika. Halatang may pagkainis pa rin ang tatay nito. Hindi na lang pinansin. Nilambing naman siya ng nanay. Alas sinko ng hapon dumating na si Makata. Halatang kinakabahan. Nagmano pa sa nanay ni Simpatika. Tinawag naman ng nanay nito ang kanyang "erpat" na noon ay nagku-computer. For formality sake lang daw, tumayo naman kaagad ang tatay. Binati siya ng medyo nate-tension na binatillyo. Mukha namang kagalang-galang na si Makata kaya biglang bait naman si tatay. Nakipagkamayan pa nga siya. Medyo nawala ang tension.

"Anong oras matatapos ang inyong programa." tanong ng tatay.
"Alas dose po,"ang mabilis na sagot ng binatilyo.
"Balik kaagad."
"Opo."
"Be a good gentleman ha,"
"Opo."
Iyon lang at hinatid na sila ng mga magulang sa isang nag-aabang na kotseng lancer.

"All the rest is a history," ika nga sa ingles. Mag-a-la una na ng umaga ng ihatid si Simpatika sa bahay nila.
"Wala bang nangyaring masama." tanong ng nanay.
"Wala."
"Nag-enjoy ba kayo sa party," tanong ng tatay.
"Hindi."

Boring daw ang party. Mabuti na lang at hindi nagpunta doon ang "ermat at erpat" ni Simpatika dahil ayaw nga ni bunso ang sumama.
"Ikaw ba ang pinakamaganda doon?"
"Hindi, marami..."
"Ikaw may type ka ba sa mga pogi doon?"
"Wala..."
Iyong lang at natuwa na ang tatay, abot hanggang tainga naman ang ngiti ng nanay.

Busy ang Weekend ni Tita Beth

(Tita Beth and Gillian in one of the Bible study meetings) 

Kasalang Larry and Toney

Bilang ninang naghanda ng husto si Tita Beth sa kasal nina Toni at Larry. Si Tita Beth kasi ang naatasan na mag-interview kay Larry nang ito ay nanliligaw pa lang kay Toni. Kasali din siya sa pangingilatis kay Larry noong birthday ni Toni. Kasama ni Tita Beth si Toni sa kanilang Bible study group, na kung si Larry ay makailang ulit din na umattend. Mga ilang buwan lang ang ligawan, pursigido itong si Larry, kahit sa church nina Toni ay sinusundan niya ito. Dahil masigasig si Larry, sinagot nga siya ni Toni. Mabilisan din ang pagdedesisyon ng dalawa upang magpakasal. At ngayon at natupad na nga at naging Ninang sa dalawa.

Sabado nang hapon nang magtungo kami sa Jade Valley kung saan idinaos ang kasalan at ang reception. Isinama ako ni Tita Beth sa kasalan bilang isang panauhin. Ibinili pa nga ako ng ating bida ng kurbatang mamahalin para magamit. Hindi tuloy ako makapalag at gumastos na nga. Dahil parang donyang tignan ang Tita, ako rin ay nagpabongga na. Isusuot ko sana ang aking amerikana na dala ko pa mula sa Amerika pero akoy pinigilan. Kung donya siya tignan dahil sa dami ng kanyang mga "mamahaling" alahas o  borloloy, gusto ko ring  magmukhang Don as in Don Tiburcio. Pero wala ito sa script kaya simple lang ang aking kasuotan, mukhang guwapong bagets na kakanta sa isang TV program.

Alas kuwatro ang umpisa ng kasalan  kaya ganoon na lang ang pagkabahala ng Tita nang matrapik kami sa Ortigas. Eksaktong alas kuwatro na ng hapon nang makarating kami sa Jade Valley. Mabilis naming ipinarada ang sasakyan sa basement at sakay kaagad sa elevator paakyat sa pagdarusan ng kasalan. Dahil hindi namin alam kung saang kuwarto gaganapin ang kasalan, nagtanong muna kami sa information. Nang makarating kami sa pagdarausan ng kasal, kakaunti pa lang ang mga tao at inaayos pa ang hall. Naupo kami ng Tita at nakipag-usap sa mga kakilala niya at kaopisinang panauhin din.

Mahigit na dalawang oras ang aming ipinaghintay bago nag-umpisa ang seremonya. Late na dumating ang mga ikakasal. Nag-picturan pa raw sila pagkatapos ayusan ang bride. Makasaysayan ang seremonyang pinangunahan na babaeng pastor na siyang nagkasal sa kanila. Madrama at makabagbag damdamin din ang palitan ng mga salita ng pag-ibig dalawang pusong nagmamahalan. May iyakan at awitan, pagpupugay sa mga magulang, at ang pagbabasbas sa kanila ng pastora sa kanilang pag-iisang dibdib. Ang panalangin at sermon ng pastora ay hindi lang para sa ikinakasal, para din sa mga ninong at ninang at ang lahat ng mga panauhin. At pagkahaba-haba man ng seremonya sa matrimonya, sa kainan din ang tuloy.  Pagkatapos ng kainan at kodakan, nagpa-alam na rin kami ng Tita wishing them the best in their marriage.

Linggo Kina Tita

Pagkatapos ng aming fellowship sa Greenhills Christian Church, nagtungo kami kina Tita, ang kaibigan ni Tita Beth na Balikbayan. Dala namin ang mga bata at kasama rin ang aming kumareng si Linda. Magbabarkada sina Tita, Linda, at Tita Beth noon mga dalaga pa sila at nagtatrabaho sa National Housing Authority. Si Tita ay nakapag-asawa ng amerikano, si Perry at namalagi na sila sa Las Vegas. Ilang taon na rin ang lumipas noong huling nagkita-kita sila sa San Pedro Laguna. Ito rin ang una naming pagkikita nina Tita at Perry.

Masaya ang pagtatagpo muli ng mga magkakaibigan. Makuwento rin si Perry at marami kaming napag-usapan. Nagtaka ng si Tita Beth at una pa lang naming pagkikita ni Perry ay okey na kami, parang matagal nang magkakilala kun tutuosin. Napagusapan namin ni Perry ang tungkol sa pabago-bagon klima ng panahon, hindi lang sa Pilipinas, sa buong daigdig. Naikuwento rin ni Perry ang balak nilang mag-asawa ma magpatayo ng paupahang bahay sa Albay kung saan naroroon ang mga ari-arian ni Tita at ang kanyang pamilya. 

Walang supling sina Perry at Tita. Tanging sila lamang ang magkasama sa malapalasyong bahay nila sa Las Vegas. May swimming pool pa ito at napapalibutan ng mga hardin at fountain ang kanilang mansion. Nanghihinayang nga ako at hindi ko sila tinawagan nang kami at nagtungo sa Las Vegas ng nasa States ako. Nakilala ko rin ang mga kaanak ni Tita, ang kuya, asawa, anak, at manugang nito. 

Retirado na rin sina Tita at Perry kaya malayang nakapaglalakbay. Sa linggong ito, ang mag-asawa at papuntang Bangkok upang magbakasyon din. Babalik sila sa Amerika sa katapusan ng buwan na ito o mas maaga pa. May balak pa rin ang mga magkakaibagan na magkita-kita pa sila bago tumulak pauwi na ng Amerika ang mag-asawa. Tuwang-tuwa nga sila at nakita nila kung gaano na kalalaki ang mga bata. Tuwang-tuwa naman Si Tita sa kanyang inaanak na si Gillian na may angking ganda at talino. Itinanghal si Gillian bilang first runner-up ng katatapos lamang na Search for Miss SJWMS 2008.

Bago kami umuwi, nabanggit din ni Perry na sa susunod na bakasyon nila papasyal din sila sa amin dito sa Antipolo. Sabi ko naman, aasahan ko iyan. Masayang kausap si Perry, at sa palagay lalong mage-enjoy kami  sa susunod na aming pagkikita kung saan mas marami at mas mahaba pa ang aming pagkwekwentohan. Magaling magluto si Perry, pinakain  kami ng kanyang natutuhang recipe ng ham and cheese turn-over na  itinuro ni Yette, sis-in-law ni Tita. Ako din patitikman ko siya sa aking lulutuin na kaldereta at pinapaitan na kambing sa susunod.