NAAKSIDENTE SI BYUTI

Kawawa naman at naaksidente itong si Byuti noong araw ng halalan (May 10, 2010) sa loob mismo ng kanilang tahanan. Ang dahilan? Nasabogan siya ng kumukulong tubig mula sa isang pressure cooker na basta-basta na lang niya binuksan kahit hindi pa ito lubusang lumamig.

Nataranta si tito Dan. Napasigaw siya at tila frustrated na sa hindi maingat na pagbukas ng maiinit pa lang na pressure cooker nagkaroon ng first at second degree burns sa braso, mukha, at dibdib ni Byuti.

Kaagad siyang dinala sa pinakamalapit na hospital. Nilapatan siya kaagad ng first aid at sinaksakan ng pain reliever. Pinunasan din ng nurse ang bahaging napaso sa braso, dibdib, at mukha ni Byuti. Gustong ma-confine siya kaagad para maampat ang inpeksiyon pero walang bakanteng private room sa hospital. Dinala naman siya kaagad sa isa pang hospital ngunit ganon din at under renovation pa ito.

Finally itinakbo ni tita Beth si Byuti sa East Medical Center at doon ay muling ginamot si Byuti. Mabuti na lang at magaling-galing ang doktor na sumuri sa kanya. Malapatan lang ng gamot ay puwedi na siyang mag-out patient. Kaya nasa bahay lang ngayon at nagpapahinga si Byuti upang magpagaling.

Kahapon ay sinuri siya ng Ninong niyang cosmetic surgeon na si Dr. Eddie Lacanienta at nilapatan pa ng iba pang gamot ang napasong bahagi ng katawan ni Byuti para hindi magkapeklat. Kawawa naman siya.

Dahil lang sa pagluluto ng ulam nilang kalderetang Baka ay naaksidente si Byuti. Sino nga ba naman ang may gusto nito, but it's a costly one ika nga. Iyong kaldereta ay costly din sa pagkakaluto dahil mas higit pang gastosin ang idinulot nito. Ngunit talagang ganyan, kung damarating ang mga sakuna na hindi mo inaasahan. Just a lesson to learn na nga lang at next time ay mag-ingat na lang ng husto si Byuti sa kanyang mga ginagawa.

Pero sa nangyaring ito kitang-kita kung paano magalala ang mga magulang ni Byuti gayundin si Charming na kahit gutom na ay kasa-kasama pa rin sa pagbili ng mga kakailanganing gamot ng kanyang kapatid. Pero si tita Beth ay buong pagmamahal na inalagaan ang kanyang anak. Alalang-alala siya. Ni hindi ng siya nakatulog ng magdamag sa pagbabantay ng kanyang mahal na si Byuti. Lalo namang naglambing si Byuti sa namalas niyang pagmamahal at attention ng kanyang dakilang mommy.

Para kay Byuti magpagaling ka at maraming nananalangin na mga kapatid sa pananampalataya para sa agarang paghilom ng iyong nasunog na balat.

Tita Beth tunay kang mapagmahal na ina, napakadakila mo!

Siya nga pala binati ng pamilya itong si Tita noong mothers day at nagkaroon pa ng joint-happy mother's day celebration with ate Lily sa isang restaurant sa Tiendesitas sa Pasig.