Wedding Anniversary Date nina Tita Beth

Linggo ng umaga nang magtungo sina Tita Beth sa MegaMall. Sasali sina Byuti at Charming sa Cosplay. Pero tanghali na nang umabot sila doon. Kumain muna sila sa isang Chinese restawrant bago nagtungo ang mga bata sa convention hall.

Napakakapal ang dami ng mga cosplayers. Ibat-ibang kasuutan, ibat-ibang anyo, nakakatuwang tignan sila. May robots, may anime characters, may mga action characters sa mga games, may mga mukhang multo, prinsesa, at mga diwata. Sina Charming at Byuti as usual ay mga mukhang prinsesa.

Hindi makatiis si Tita Beth sa init ng kapaligiran kaya nagtungo naman sila ni Tito Dan sa Mega Trade Hall para tuminging sa mga products and ibinibenta doon. Si Tito Dan ay nakabili ng Ukelele na gawang Pampanga. Si Tita Beth naman ay mga maliit na bags para sa mga gamit pambabae. Pero nawili sila sa kainan kung saan bumili sila ng ilang kilo ng organic rice, kasoy, candies, puting keso, at nagkape pa ng rice coffee.

Pagkatapos niyan ay nagtungo naman sila sa Food Court para umupo at magpahinga. Habang hinihintay sina Byuti at Charming ay bumili naman si Tito Dan ng Filipino dictionary sa National Book Store. Tamang-tama na nakarating na sina Byuti at Charm nang dumating siya.

Nagpunta naman sila sa Bubble Tea shop kung saan sila ay tumigil doon ng kulang-kulang sa isang oras para magpahinga. Dito may mga nakilala sila Byuti at Charm na mga Cosplayers din. Pagkatapos nilang kumain dito ay namili naman ng kanyang pantalon si Tito Dan. Wala na siyang natitira pa kasing pantalon dahil mga luma at may sira na ang mga iba.

Muling binalikan din nina Tita Beth iyong gusto nilang bilhin na oven toaster. Mabuti na lang at nakabili sila nito dahil magiisa na lang ang stock na oven toaster na may pritohan sa ibabaw. Masayang umuwi ang mga magaanak at sa date ng Tita at Tito. Lunes pa sana sila lalabas ngunit masyadong maraming gagawin sa opisina si Tita Beth.

Gumagamit na ng Insulin si Tita Beth

Gumagamit na ngayon ng insulin si Tita Beth para sa kanyang Diabetes. Maganda ang epekto at bumaba na ngayon ang kanyang blood sugar sa 224 from 280. Dati ay iminungkahi ng kanyang diabetologist na gumamit na siya nito para maiwasan ang mga komplikasyon ng sakit na diabetes. Binale-wala niya ito noong una, ngunit dahil sa hindi na nagbabago ang kanyang blood sugar count ay napilitan na siyang umayon sa payo ng kanyang doktor.

Mahal kasi ang insulin, umabot ng  2,400 pesos ang isang vial. Bibili pa siya ng karayom para dito, at every  three days ay magsasample siya ng kanyan dugo para malaman ang level ng kanyang blood sugar. Mga tatlong buwan siyang gagamit nito. Kaya every morning siya bago pumasok sa trabaho na magturok ng insulin sa kanyang tiyan. Hindi naman ito masakit dahil napaka-pino ang karayom.

Napansin nga siya ng Ate Lily na medyo sumisigla na raw ang pangangatawan ni Tita Beth. Nagbago ang kulay ng kanyang mukha, palatandaan ng magandang epekto ng kanyang paggamit ng insulin. Ang targel na level ay dapat umabot sa 100 ang kanyang blood sugar count. Magastos nga ngunit maliit lang itong sakripisyo para sa kanyang kalusugan at kaligtasan.