Unang kinunan ng picture ni Tito Dan sa kanyang cellphone ang babaeng nagtinda nito para matunton niya kaagad kung sasasakaling magloko ang item at mapalitan o maipagawa. At least alam niya kung sino ang mananagot dito. Nagamit din nina Tita Beth ang cellphone ni Tito Dan para kunan ang display na sala set sa bagong bukas na Ever Supermart sa kanilang lugar. Balak na kasi ng Tita na palitan ang lumang-luma na nilang sala set.
Noong Lunes ay nagpunta sa isang auto shop ang Tito Dan at Tita Beth para ipagawa ang kanilang sasakyan. May deperensiya ito sa clutch. Dahil pudpod na ang clutch at saka pressure plate nito kaya pinalitan na nila kaagad. Nakahinga ang Tita Beth ng maluwag nang apat na libong piso lang ang inabot na gastos hindi sa 7,000 pesos na unang sinabi ng dispatcher.
Pero nasobrahan yata ng lambot ang adjustment ng clutch kaya parang laging tumatalon ang sasakyan kapag umaandar ito. Ibabalik muli nila sa Sabado ito upang ipa-adjust.
Unang napawashing naman noong hapon ng Martes ang APV pagkatapos dalhin ni Bayoyoy ito sa Tagaytay. Nakakatuwa at makinis na makinis ang bagong sasakyan. Iyon nga lamang dinala ngayon ni Bayoyoy ito sa kanyang opisina na matindi ang pag-ulan sa kanilang lugar. Kaya aasahan na naman ng gastos sa pagpapawashing nito.
Mabuti na lang at nakabili sina Bayoyoy at Tito Dan ng floor mat para sa APV nang maligtas ang carpet naman nito sa dumi. Inaasahan nina Tita Beth ang pagbabakasyon sa Baguio sakay sa APV. Sana maibigay na rin ang suweldo nina Tito Dan mula sa kanilang project sa DOH nang matupad ang kanilang bakasyon na pangarap sa Baguio sa darating na Pasko o New Year.
No comments:
Post a Comment